Дуално стручно образование

Потребата од стручен кадар кој ќе одговори на брзите промени и развој во индустријата секојдневно се зголемува. Затоа, по инцијатива на АХК С. Македонија и компаниите партнери, од учебната 2019/2020 година се воведе „Техничар за производно машинство“. Со оваа квалификација, која е изработена по германскиот модел на дуално стручно образование, се интегрираат знаења, вештини и компетенции од областа на модерното машинството, како и зголемена практична обука во компанија (до 50%).

Задачи на техничарот за производно машинство:

·        Изготвување на техничко– технолошка документација

·        Обработка на метали со деформација и режење

·        Изработка на алати

·        Ракување со ЦНЦ машини

·        Ракување со машини за преработка на пластична маса

·        Изработка и монтажа на метални конструкции

Во соработка со 8 компании и 5 стручни училишта, оваа квалификација се имплементира во Тетово, Скопје, Велес, Прилеп и Охрид. Покрај државна диплома, учениците имаат и уникатна можност да се стекнат со АХК/ДИХК сертификат за завршено стручно образование по германски стандарди. По завршувањето на четиригодишното образование, учениците имаат можност за директно вработување во компанијата каде што биле обучувани или пак да го продолжат своето образование на факултет.

По инцијатива на АХК С. Македонија и компаниите партнери, од учебната 2018/2019 година се воведе четиригодишниот образовен профил „Техничар за индустриска мехатроника“. Со оваа квалификација, која е изработена по германскиот модел на дуално стручно образование, се интегрираат знаења, вештини и компетенции од областа на електрониката, машинството и информатиката, како и зголемена практична обука во компанија (до 50%). Оттука, истата наоѓа примена во повеќе индустриски гранки, особено таму каде што има автоматизација на производните процеси.  

Задачи на мехатроничарот:

·        Инсталација и програмирање мехатронички системи

·        Тестирање и регулирање на функциите на мехатронички системи

·        Рачна и машинска обработка, обработка со режење

·        Техничка комуникација

·       Инсталирање на електрични склопови и компоненти

·        Мерење и тестирање на електрични големини

·        Монтажа на склопови и компоненти за машини и системи

Во соработка со 10 компании и 6 стручни училишта, оваа квалификација се имплементира во Куманово, Велес, Кавадарци, Прилеп, Битола и Охрид. Покрај државна диплома, учениците имаат и уникатна можност да се стекнат со АХК/ДИХК сертификат за завршено стручно образование по германски стандарди. По завршувањето на четиригодишното образование, учениците имаат можност за директно вработување во компанијата каде што биле обучувани или пак да го продолжат своето образование на факултет.