Делегациско патување на тема:„Модернизација на инфраструктурата за обновливи извори на енергија во Северна Македонија“

АХК Северна Македонија организираше делегациско патување на тема: 
„Модернизација на инфраструктурата за обновливи извори на енергија" во Северна Македонија, Албанија и Косово. Делегациското патување од 2-ри до 6-ти декември 2024 година започна во Скопје, потоа продолжи во Тирана и Приштина. Шесте германски компании: Elia Grid, Eltec Green Energy, Energy & Meteo, Fichtner Group, Ruhstrat и SunTec Solar, кои беа дел од делегацијата, имаа шанса да се запознаат со состојбите и можностите кои ги нудат трите пазари, како и да остварат деловни контакти за отпочнување на соработка со локални партнери.

За време на конференцијата кој се одржа на 3 декември 2024 година во Скопје, шесте германски компании имаа можност да ги претстават своите производи и услуги пред стручна публика од Северна Македонија, која ја сочинуваа претставници од бизнисот, политиката и здруженија кои работат во областа на обновливи извори на енергија.
Големиот број на учесници на самиот настан, многубројните Б2Б состаноци кои се одржаа по конференцијата укажуваат дека трендот на проширување на матрицата кон воведување на зелена енергија, како во Северна Македонија така и во регионот е од голем интерес и постојано расте.
По стручната конференција АХК Северна Македонија организираше индивидуални состаноци за секоја германска компанија со претставници на македонски компании, како и носители на одлуки во Скопје. Делегацијата продолжи за  Приштина и Тирана, каде што имаше бројни Б2Б-состаноци, како и посети на компании,кои беа организирани од страна на нашите партнери, Косовско-Германското стопанско здружение и Албанско-Германското стопанско здружение.  

Презентации на специјалистичката конференција:

• „ELIA Grid International – Strategic Consulting“                                                

• „Прогнози за соларна/ветерна енергија и виртуелни електрани“

• „Енергија за иднината. Решенија за надминување на тесното грло на обновливите извори на енергија“

• „Обновливи енергии, складирање енергија и хибридни системи – искуства на Групацијата Фихтнер“

• „Оптимизација на напон во дистрибутивни и индустриски мрежи“

• „Соларни решенија за комерцијални и индустриски апликации (произведено во Германија)“