Делегација на германското стопанство во Северна Македонија  организира на 06.10.2021 од 10:00 до 12:00 часот царинско советување на тема:

„Како да се подготвите за ПОСТ-ЦАРИНСКА КОНТРОЛА (PCA)”

ШТО Е ПОСТ-ЦАРИНСКА КОНТРОЛА?

Пост-царинската контрола претставува контрола на целокупното работење на компанијата и на сите видови на увозни давачки, надоместоци за одреден временски период. Контролата се врши со проверка и споредба на податоците од сметководствената евиденција и друга евиденција која ја водите, материјалната евиденција за репроматеријалите и добиените производи, документацијата поврзана со процесот на производство (требувања, налози за производство, нормативи и сл.), записниците од спроведени редовни и/или вонредни пописи, транспортни документи, увозни царински декларации и друга документација. Како увозник или извозник, вие сте законски одговорни за точноста на информациите доставени до Царината, иако можете да користите царински посредник кој ги подготвува и поднесува вашите декларации. За ваша корист, осигурете се дека ги проверувате и чувате сите документи доставени до Царината, проверете ја нивната точност и советувајте се со вашиот царински посредник за какви било грешки кои сте ги утврдиле во работењето.

ДАЛИ СТЕ ПОДГОТВЕНИ ЗА ЦАРИНСКА КОНТРОЛА ПОСЛЕ ЦАРИНЕЊЕ?

Проверете ја поврзаноста на:

● Документацијата: Нарачка, акредитиви, комерцијални документи; Трговски договори, договори за производство и набавка; Отпремници, теретници; Транспортни документи; Тантиеми, провизии, авторски права; Докази за плаќање; Сертификати за потекло; Пописи на залихи и репроматеријали и/или готови производи; Увозни/извозни дозволи

● Финансиите: Куповни/Продажни провизии, Трошоци за управување/хонорари; Извештаи за трансфер на цени; Трошоци за истражување и развој

●Секторите: Набавка, Транспорт и логистика; Производство/продажба; Увоз/извоз; Прием на стока/Дистрибуција; Финансии

РИЗИЦИ КОИ ГИ ПРЕВЗЕМАТЕ ДОКОЛКУ НЕ СТЕ ПОДГОТВЕНИ?

Неуспехот за усогласување на Вашето работење со пропишаните прописи и царински регулативи повлекува можност за грешки во царинските декларации како и појава на следните ризици:

• помалки или повеќе пресметан царински долг

• поведување на прекршочни постапки и плаќање високи казни

• дупли трошоци

• дополнителна наплата на царински долг

• одземање на царинските одобренија за увоз/извоз

Кој треба да учествува?

Увозници/Извозници кои сакаат да го усогласат своето работење со пропишаните царински прописи и регулативи, како и сите учесници во синџирот за набавка.

Што ќе научите?

Зошто е важна контролата после царинење?

Каде најчесто се случуваат грешки

Кои казни се плаќаат?

Како да подготвите сопствена контрола?

Што да проверувате/контролирате?

Чување на документација.

Предавач:Радмила Ристикеска Постоловa

Вкупната котизација за оваа обука изнесува:

•           3.990,00 денари + ДДВ – за членки на Македонското-Германско стопанско здружение

•           5.220,00 денари + ДДВ – за нечленки на Македонското-Германско стопанско здружение

Работен јазик: македонски

Советувањето ќе се одржи онлајн!

Пријавете го своето учество на следниов мејл: tomova(at)nordmazedonien.ahk.de